UNED SENIOR AULA PADERNE
Este mes de outubro comezaron a desenvolverse no Concello de Paderne as actividades formativas que, por segundo ano, integran os contidos do curso experimental da UNED Senior Aula Paderne.
Ademais de informática, inglés e primeiros auxilios para os cales o Concello facilita a infraestructura necesaria para que as clases poidan impartirse, na súa programación están contempladas visitas culturais nas que se ilustra in situ a historia de Galicia.
Na primeira das clases de Historia de Galicia os alumnos trasladáronse ata Cabana de Bergantiños onde visitaron O Dolmen de Dombate e o Castro de Borneiro; logo foron a coñecer as Torres de Allo, no municipio de Zas.
A seguinte visita cultural será á cidade de A Coruña.
------------------------------------------------------------------------------------
UNED SENIOR - AULA DE PADERNE
1. PRESENTACIÓN
A UNED vén de crear un Programa formativo específico pensando en todas aquelas persoas adultas, xubiladas ou non, que contan cun espírito inquedo e con ganas de seguir absorbendo novos conceptos e ideas de entre un abano moi extenso de posibilidades formativas. O Concello de Paderne únese a esta iniciativa da UNED, co fin de satisfacer o seu desexo de aprender da poboación do municipio, apoiando así o desenvolvemento integral das persoas participantes. Dende esta perspectiva preséntase a UNED-SENIOR AULA DE PADERNE, unha iniciativa de formación novidosa e pioneira.
2. OBXECTIVOS
• Ofrecer unha modalidade de formación continua sobre os intereses, necesidades e preocupacións deste colectivo, co fin de mellorar a súa calidade de vida.
• Proporcionar coñecementos, aprendizaxes e estratexias para o desenvolvemento integral e a autonomía persoal por medio da aprendizaxe ó longo da vida.
• Favorecer a comunicación a través das relacións interpersoais e do encontro interxeneracional co fin de posibilitar o enriquecemento persoal e a cidadanía activa.
• Proporcionar os elementos necesarios para un mellor coñecemento do entorno cultural.
3. ¿A QUEN VAI DIRIXIDO?
A UNED-SENIOR diríxese ás persoas maiores de 55 anos, con independencia da formación académica que posúan, interesadas en enriquecer os seus coñecementos.
4. ¿QUE LLE PODE APORTAR?
• Un espazo universitario propio.
• Un lugar de encontro para intercambiar coñecementos e experiencia.
• Un itinerario flexible, adaptado ás necesidades de cada estudante.
• Unha orientación personalizada.
• Formación próxima ó seu lugar de residencia.
• O acceso e a utilización das Tecnoloxías da Información e Comunicación.
• Proporcionar os elementos necesarios para un mellor coñecemento do entorno cultural.
5. PROGRAMA
A proposta formativa estructúrase en 4 Bloques Temáticos, cada bloque consta de diferentes materias; cada unha de tres créditos e carácter cuadrimestral.
Os participantes poderán cursar un máximo de 3 materias por cuadrimestre.
As materias que poderás cursar na UNED SENIOR AULA DE PADERNE durante o curso 09/10 son:
1.-HISTORIA DE GALICIA.
2.-PRIMEIROS AUXILIOS.
3.-INTRODUCIÓN Á INFORMÁTICA.
4.-INTRODUCIÓN Ó INGLÉS.
6. METODOLOXÍA
A metodoloxía céntrase nas características específicas da forma de aprender dos participantes, tendo en conta os seguintes aspectos:
• A UNED-SENIOR asume que as persoas non aprenden só a partir da ensinanza, senón tamén da experiencia.
• A metodoloxía de ensinanza-aprendizaxe apoiarase sobre o tecido dinamizador que ofertan as potencialidades persoais, así como a experiencia persoal e laboral destes suxeitos.
• En cada materia identificaranse os centros de interese tendo en conta as motivacións e necesidades dos participantes.
• Fomentaranse as actividades culturais.
7. PROFESORADO
Luis Angel Rodríguez Patiño. Avogado. Licenciado en Dereito pola Universidade da Coruña. Diplomado en Criminoloxía pola Universidade de Santiago de Compostela. Licenciado en Ciencias Políticas pola UNED. Licenciado en Dereito Canónico pola Universidade Pontificia de Salamanca.
Marcelino Mosquera Pena. Médico. Especialista en Xeriatría e en Medicina Familiar e Comunitaria. Desenvolve labor pública no Hospital Arquitecto Marcide (SERGAS) e privada (consulta). Doutor en medicina.
Rogelio Fernández Díaz. Subdirector Xeral de Espazos Naturais e Biodiversidade da Consellería de Medio Ambiente. Xunta de Galicia.
Felipe Senén López Gómez. Profesor de Historia de Galicia
Fai seus primeiros estudos no Carballiño e no Instituto de Ourense, onde se vincula como colaborador do Museo Arqueolóxico, dirixido entón por Ferro Couselo , sumándose igualmente ás actividades da agrupación cultural “Auriense”. Estuda Filosofía e Letras, especialidade de Historia da Arte na Universidade de Santiago de Compostela, a un tempo que fai prácticas de museoloxía e arqueoloxía co historiador Manuel Chamoso Lamas na creación, instalación e posta en funcionamento do Museo das Peregrinacións, e do Museo do Ribeiro; participando igualmente como supervisor de campo nas prospeccións arqueolóxicas do Castro de Viladonga (Castro de Rei, Lugo) e na ermidade San Guillermo de Fisterra. En 1975 pasa a reorganizar aspectos no Museo Arqueolóxico da Coruña, ubicado no Castelo de San Antón, sendo nomeado director-conservador. Coa ansia de abrir a institución do museo ó gran público e ás cuestións socioculturais da cidade e de Galicia, crea o colectivo de colaboradores e Amigos do Museo Arqueolóxico, que será base para a formación do colectivo Amigos dos Museos de Galicia.
8. CALENDARIO
O Curso distribúese en dous cuadrimestres. O inicio das materias do primeiro cuadrimestre terá lugar en outubro
Para impartir as diversas materias o Concello de Paderne proporciona as instalacións municipais
COMEZO.- mes de outubro
DURACIÓN.- curso escolar
DÍAS E HORAS.-
Mércores.- Horario: de 5 ½ a 7 ½
Local: Aula de Informática
Materias: informática e inglés
Sábado.- Horario: de 4 - 6
Local: Centro de Maiores de Paderne
Materias: Primeiros Auxilios
Martes.- Materia: Historia de Galicia
Saídas culturais toda a xornada
9. TAXAS
O custo de matriculación ascende a 50€ por alumno e materia.- as persoas participantes na aula de Paderne gozarán dunha matricula bonificada pagando tan só 30€.-
10. PRAZO DE MATRÍCULA
O prazo permanecerá aberto durante o mes de setembro.
MATRÍCULA
Imprimir Noticia
