PROGRAMA DE TERMALISMO SOCIAL DO IMSERSO

Está aberto o prazo para solicitar a participación no Programa de Termalismo Social do IMSERSO.

Poden participar persoas maiores de 65 anos e os pensionistas maiores de 60. O solicitante pode ir acompañado por o cónxuxe aínda que non cumpra os requisitos de pensión nin idade.

Este programa ofrece os servizos de:

1.-Aloxamento e manutención en réxime de pensión completa

2.-Tratamentos termais básicos

3.-Actividades de animación

4.-Póliza colectiva de seguro turístico.

As quendas son de 12 días e os prazos son os seguintes:

a)Ata o 15 de xaneiro de 2010, para as quendas de febreiro ata agosto.

b) Ata o 17 de maio de 2010, para as quendas de setembro a decembro.

As persoas interesadas en recibir maior información poden dirixirse á Oficina de Servizos Sociais do Concello de Paderne.