ENTREGA DO CAMIÓN PARA MISIÓNS DE PROTECCIÓN CIVIL

O pasado día 7 de maio realizouse a entrega ó Concello de Paderne dun vehículo urbano lixeiro (BUL) especialmente dotado para misións de protección civil.

Este novo vehículo contra incendios e salvamento en núcleos de poboación, ven a seguir completando os medios materiais e técnicos do Concello para desenvolver de xeito adecuado as misións ás que acoden os voluntarios de protección civil desde o ano 2002 en que se constituíu a Agrupación.

O Alcalde está a loitar continuamente para conseguir que o Concello de Paderne dispoña de tódolos medios necesarios para este tipo de misións acadando ata a presente data os seguintes:

- Vehículo urbano lixeiro (BUL)
- Vehículo Nissan Pathfinder R51 .- en uso desde xaneiro de 2007
- Vehículo Motobomba
- Bomba de Achique

Outro dos logros importantes polos que o Alcalde viña a loitar para Paderne era a adxudicación, por parte da Xunta de Galicia dun Grupo Municipal de Intervención Rápida (GRUMIR).

Aprobado o novo mapa de distribución destes grupos o pasado 13 de marzo de 2008, correspondeulle a Paderne un deles coa incorporación de 6 membros. Este novo mapa aplicarase no vindeiro 2009 o que supón a contratación de seis persoas que profesionalizarán así o servicio e mellorarán a eficacia na atención das emerxencias.