EXCURSIÓN A PONTEAREAS 25 de maio

Con motivo da celebración da festividade do Corpus Christi, o Programa Paderne en Familia desprázase ata a localidade de Ponteareas, famosa polas impresionantes alfombras florais que tapizan as rúas da localidade.

Esta excursión será o domingo 25 de maio para tódalas persoas empadroadas no Concello de Paderne coa saída ás 7:00 da mañá; os interesados en asistir poden apuntarse chamando ás oficinas municipais ata o día 21. O custe por persoa é de 15€

Esta vila de Ponteareas é especialmente famosa pola celebración da festividade do Corpus, recoñecida Festa de Interese Turístico Nacional, na que os veciños realizan unhas artísticas alfombras florais para o paso da procesión do Santísimo Sacramento. Máis dun kilómetro de alfombras con miles flores, matas e arbustos coidadosamente mesturadas para obter unha auténtica obra de arte.

Outro dos centros de interese do día é a visita ó Castelo de Sobroso desde o que se pode contemplar unha ampla panorámica de toda a zona e lugar de obrigada visita turística.