XUVENTUDE CREA 2011/2012

A Dirección Xeral de Xuventude e Voluntariado, da Consellería de Traballo e Benestar, realiza unha convocatoria aberta dirixida a xoves artistas de entre 18 e 35 anos consistente en encontros de fin de semana en instalacións xuvenís con fins creativos.

Procederase a reunir a un grupo de mozos e mozas de distintas disciplinas artísticas, es estancias de tres días, no Albergue Xuvenil Gandarío, para desenvolver un proxecto de intervención dentro de diversas tendencias e disciplinas artísticas como a pintura, escultura, teatro, poesía, música, graffiti, fotografía creativa, ou calquera outra tendencia de actualidade.

O prazo de presentación de solicitudes está aberto ata o 20 de xaneiro de 2012; o que desexe maior información pode dirixirxe á Oficina Municipal de Información Xuvenil do Concello de Paderne.