PROGRAMA DE COOPERACIÓN

O Concello de Paderne ven de solicitar á Consellería de Traballo unha subvención para a contratación de 15 desempregadas do municipio co obxecto de reducir a taxa de desemprego e ó mesmo tempo realizar unha serie de obras e servizos de interese social como:

- Enganches no saneamento e na traída de augas municipal: 5 persoas.

- Servizos a maiores: 4 persoas

- Axuda a domicilio: 2 persoas

- Aula de Informática e Biblioteca: 2 persoas

- Banco de Tempo Municipal: 2 persoas. Este sería un novo servizo para o intercambio de labores comunitarias relacionadas coa conciliación da vida persoal, familiar e laboral tal e como se establece na Lei 2/2007 do 28 de marzo, do traballo en igualdade das mulleres de Galicia. Mediante unha serie de datos conéctanse ás persoas inscritas como demandantes deste tipo de labores con aqueles inscritos como dispoñibles para realizar algún destes servizos e que forman parte das denominadas redes comunitarias de apoio á conciliación.