SOLICITUDE DE AXUDAS PARA EQUIPAMENTO AUDIOVISUAL

Ó abeiro da Orde do 21 de febreiro de 2008 da Secretaría Xeral de Comunicación da Consellería de Presidencia, Administracións Públicas e Xustiza, pola que se establecen axudas para a adquisición de equipamento audiovisual e multimedia, o Concello de Paderne ven de presentar a solicitude para un equipo de son axeitado que dea cobertura ós actos que ó longo do ano se realizan desde os distintos departamentos.

Coa obtención desta axuda, melloraríase de xeito importante o equipamento audiovisual que no Concello se utiliza para a realización das actividades tales como charlas ou proxeccións, tanto de películas como de diapositivas que están a ser imprescindibles na programación de Paderne e moi demandadas polos seus habitantes.