DÍA DA ÁRBORE

A celebración do “Día da Árbore” na parroquia de Souto xuntou a tódolos veciños o pasado domingo día 20 na Praza dos Desamparados.

Tres maiores e tres nenos, de cada unha das aldeas da parroquia, acompañaron ó Alcalde plantando unha árbore nesta festividade que ven a potenciar o coidado e o respeto polo medio ambiente, valores que tódolos organismos públicos deben considerar como obxectivos a ter presentes nas súas actuacións e que o Concello de Paderne quere seguir fomentando entre os seus cidadáns.

O acto deu comezo ás 12:00 h cunhas palabras do Alcalde, César Longo, que fixo referencia a Federico García Espósito, impulsor desta tradición na Coruña na primeira metade do Século pasado; as actuacións tradicionais da banda de gaitas San Pantaleón e a coral Albeiro de Velouzás acompañaron neste día de festa que todos celebraron tomando ó remate uns pinchos e un viño de Paderne.

----------------------------------------------------------------------------------------------
DÍA DA ÁRBORE 2010

Nesta edición tocoulle á parroquia de Obre ser a protagonista do “Día da Árbore” que o Concello de Paderne realizou o pasado domingo 14 de marzo.

Oito maiores da parroquia e oito nenos plantaron, xunto co Alcalde, as árbores que van a adornar nun futuro o campo da festa. O día amenceu soleado contribuíndo a xuntar a tódolos veciños e invitados en torno a este emotivo acto co que o Concello de Paderne quere render unha homenaxe á natureza facendo partícipes ós seus habitantes do que implica o seu coidado e protección.

A Escola de Gaitas San Pantaleón e a Coral Albeiro de Velouzás, ambas do Concello de Paderne, formaron parte da programación acompañando cos seus sons ós participantes nesta festividade. Ó remate o Alcalde sacou unha foto de familia coas persoas que o acompañaron no acto de plantación do que quedou constancia nunha placa que figura na praza de recordo para toda a parroquia.