DÍA DO MEDIO AMBIENTE

O pasado sábado 9 de xuño o Concello de Paderne celebrou o Día do Medio Ambiente.

Como xa se fixo en anteriores edicións, os diversos colectivos de Paderne como gandeiros, agricultores, asociacións, coto de caza, sociedade de pescadores, protección civil xunto co Equipo de Goberno Municipal, dedicaron esta xornada á limpeza e coidado do medio ambiente coa recollida e sinalización, desde primeiras horas da mañá, de vertedoiros incontrolados de residuos que contaminan e afean o noso entorno.

Coa celebración deste día tan significativo, o Alcalde quere concienciar ós habitantes do municipio sobre a importancia que supón para todos a conservación do espazo que nos rodea e do que a todos nos gusta disfrutar nas mellores condicións posibles.

Moitas das persoas participantes colaboraron cos seus vehículos na recollida do lixo achegando todos estes vertidos ó Telleiro onde estivo a empresa Vázquez y Garzón para os trasladalos ós lugares axeitados.

En tan importante día contouse coa presenza do Delegado Provincial de Medio Ambiente, Manuel Tajes, que veu a apoiar a labor que César Longo está a realizar pola mellora e conservación do entorno.