EXCURSIÓN Á FEIRA DE PAIOSACO

Nesta ocasión, a excursión organizada dentro do programa “Paderne en Familia” do Concello de Paderne, desprazouse á Feira de Paiosaco, no Concello de Laracha, o pasado domingo 21 de marzo.

Durante a mañá houbo a posibilidades de pasear e comprar nos numerosos postos da feira, tanto de roupa, calzado, como doutros productos típicos de mercado atopando os máis variados productos da zona.

Pola tarde acudiuse á localidade de Buño a visitar algunha das olerías máis famosas da zona sendo poucos os que se resistiron a traer un obxecto de barro típico da comarca.

Dende a Punta Noriga, en Malpica, tiveron a ocasión de contemplar unha das máis fermosas paisaxes vistas desde o faro que leva o mesmo nome. Este faro, situado no cabo San Hadrián e construído no 1995 a 50 metros sobre o mar, chama a atención polas formas que a erosión do vento e a auga foron creando ó longo de miles de anos. Desde este punto podían contemplarse as Illas Sisargas.

Xa á tardiña, o grupo visitou Malpica; vila de pescadores construída en torno a un porto dedicado fundamentalmente á pesca de baixura e marisqueo, con rúas estreitas cheas de símbolos mariñeiros.