ENTROIDO EN PADERNE
O Concello de Paderne invita a tódalas persoas a participar coas súas comparsas e disfraces na festa da “Queima do Entroido” que pecha esta tradición en Paderne.
Será o mércores día 6 de febreiro, mércores de cinza, ás 8 ½ da tarde nunha gran carpa que o Concello vai a habilitar para a súa celebración no campo de O Telleiro, preto da Casa do Concello.
A Escola de gaitas San Pantaleón, vestidos para a ocasión, animará ós que se acheguen a pasar uns momentos divertidos ó noso Concello.
Sobre as 9 da noite procederase á queima do Entroido que virá seguida dunha sesión de fogos artificiais.
Todos poderán degustar productos da nosa gastronomía (empanadas de bonito, carne e bacalao, queixo fresco, doce, viño e queimada de Paderne)
Como xa ven sendo habitual, non poden faltar os premios para os disfraces; tres premios para os mellores na categoría individual e outros tantos para aqueles que se presenten na modalidade de grupos.
A música tampouco vai a faltar, co cal esperamos garantir a diversión de todos os que se acheguen a participar nesta “Queima do Entroido” en Paderne.
|
