CABALGATA DE REIS EN PADERNE 2010

O luns día 4 de xaneiro as Súas Maxestades de Oriente achegáronse ata o Concello de Paderne para recoller as peticións de tódolos nenos e nenas.

Despois de ser recibidos polo Alcalde na Casa do Concello realizaron un recorrido por tódalas parroquias achegando tamén a ilusión deste día ás persoas maiores que non puideron desprazarse ata o polideportivo municipal; así, a comitiva real foi conducida por todo o termo municipal desde primeiras horas da tarde.

Remataron cunha gran festa na eran esperados de novo polo Alcalde acompañado polo Equipo de Goberno. Nesta festa os nenos e nenas que participaron no concurso de narracións breves e debuxos foron recompensados cun agasallo polo seu esforzo e dedicación e logo todos eles tiveron a oportunidade de falar coas Súas Maxestades e entregarlles as cartas nas que expresaban os desexos para estas datas.

Unha vez despedidas as Súas maxestades, todos tiveron a oportunidade de participar dun espectáculo de maxia.

----------------------------------------------------------------------------------------------

CABALGATA DE REIS

O vindeiro día 4 de xaneiro as Súas Maxestades chegan a Paderne para recoller as cartas de tódolos nenos e nenas.
Ás 14:30 h, teñen prevista a chegada á Casa do Concello de onde sairán para recorrer todo o termo municipal.
Para honrar esta importante visita o noso Concello vístese de gala ofrecendo unha festa no pavillón polideportivo de Viñas ó que teñen previsto chegar ás 18:45 h. despois de recorrer tódalas parroquias.
O Alcalde, xunto co Equipo de Goberno, recibirá á Comitiva Real na súa chegada a Viñas.
Como nos últimos anos, os nenos e nenas de Paderne poden participar nun concurso de narracións breves e debuxos, participación que vai a ser recompensada cun agasallo que recibirán ese día de mans do Alcalde..
Todos os que acudan a recibir ós Reis van a poder sacar con eles unha foto de recordo e, ó remate da tarde, disfrutarán dunha sesión de maxia.

PARADAS DO RIVAS

1º Obre:
de 14:30-15:00 h na praza do Baile

2º Paderne:
de 15:00-15:30 h na praza do Concello

3º Quintas:
de 15:30-16:00 h no campo da festa
4º Vilamourel:
de 16:00-16:30 h na igrexa

5º Vigo:
de 16:30-16:40 h en Casa Beade
de 16:45-16:50 h en Esperela
de 16:55-17:05 h no local social

6º Adragonte:
de 17:10-17:20 h na marquesina do Casal
de 17:25-17:35 h no campo da festa novo

7º Velouzás:
de 17:40-17:50 h nas Palmeras, Condós
de 17:55-18:05 h na Cruz

8º Souto:
de 18:10-18:20 h no local de Chantada
de 18:25-18:35 h no campo da festa de Souto

BASES DO CONCURSO

1.- Poden participar no concurso rapaces e rapazas de entre 8 e 12 anos (na modalidade de narracións) ou entre 3 e 12 anos (na modalidade de debuxo). Estarán empadroados no Concello de Paderne

2.- Os traballos entregaranse no Concello, na Oficina Municipal de Información Xuvenil ata o día 28 de decembro de 8:30 a 14:30 horas.

3.- O tema dos traballos estará relacionado co Nadal en Paderne

4.- No caso dos relatos, irán acompañados dun título

5.- No caso de realizar un debuxo, terá o tamaño dun folio (A4)

6.- A redacción terá unha extensión máxima de dúas carillas tamaño folio (A4). A lingua empregada será o galego.

7.- No debuxo empregaranse cores e, no caso de conter algunha palabra, estará en galego